کالعدم جماعت  دھرنا: لاہور پولیس کے اعلی حکام  کو   دھرنے کے مقام پر بھجوانے کا فیصلہ

تفصیلات کے مطابق  کالعدم جماعت  نے   جی ٹی روڈ پر دھرنا دے رکھا  ہے۔   مظاہرین نے  مرید کے  کے مقام پر جی ٹی روڈ ایک بار پھر بند کردیا۔نارووال اور شیخوپورہ جانے والی  سڑکیں بھی بند ہیں جس کے باعث شہریوں کو شدید مشکلات کا سامنا ہے۔ 

مزید پڑھیں : لیفٹیننٹ جنرل ندیم انجم ڈی جی آئی ایس آئی تعینات

ادھر پنجاب حکومت نے صوبے کے چار ڈی پی اوز کو  نفری کے ساتھ  آر پی او راولپنڈی کو رپورٹ کرنے کی ہدایت کردی۔دوسری طرف لاہور پولیس کے تمام ایس ایچ اوز ، ڈی ایس پیز اور ایس پیز کو بھی  دھرنے کے مقام پر بھجوانے کا فیصلہ کیا گیا ہے۔

مرید کے میں کالعدم جماعت کا دھرنا، لاہور پولیس کے تمام ایس ایچ اوز ڈی ایس پیز اور ایس پیز کو دھرنے کے مقام پر بھجوانے کا فیصلہ#GNN #GNNUpdates pic.twitter.com/Tv32lWNKUZ

— GNN (@gnnhdofficial) October 26, 2021

 ذرائع کے مطابق،آپریشن ونگ ، انویسٹی گیشن ونگ ، سیکورٹی ڈویژن ، اینٹی رائٹ فورس اور ڈولفن کی نفری بھی دھرنے کےمقام پر بھجوائی جائے گی ۔لاہور پولیس کے پندرہ ہزار سے ذائد افسران اور اہلکار گوجرانوالہ بھجوائے جائیں گئے۔

ذرائع کے مطابق پولیس نفری کوبھجوانے کیلئے پرائیوٹ بسوں کا انتظام کرلیا گیا ۔پولیس نفری کو اسلحہ ساتھ نہ رکھنے کے بھی احکامات جاری کردیے گئے ہیں ۔