نیپرا نے بجلی کی قیمت میں 2 روپے 51 پیسے فی یونٹ اضافے کی منظوری دیدی

جی  این این کے مطابق نیپرا نے بجلی کی قیمت میں 2 روپے 51 پیسے فی یونٹ اضافے کی منظوری دے دی ، اضافے کا اطلاق لائف لائن اور کے الیکٹرک صارفین پر نہیں ہوگا، دیگر صارفین کو آئندہ ماہ کے بلوں میں ادائیگی کرنا ہوگی۔

 اضافے کی منظوری نیپرا نے ستمبر کی ماہانہ فیول ایڈجسٹمنٹ کی مد میں دی۔ سی پی پی اے نے بجلی 2روپے 66 پیسے مہنگی کرنے کی درخواست کی تھی۔  مذکورہ نیپرا تفصیلی فیصلہ بعد میں جاری کرے گا ۔

گزشتہ روز  بھی کے الیکٹرک صارفین کیلئے بجلی کی قیتموں میں 69 پیسے فی یونٹ اضافہ کیا گیا ،  بجلی کی قیمتوں میں اضافہ ماہانہ فیول ایڈجسٹمنٹ کی مد میں کیا گیا،  بجلی کی قیمتوں میں اضافے کا اطلاق رواں ماہ بجلی بلوں پرہوگا۔ نیپرا نے نوٹی فیکیشن جاری کردیا۔صارفین کوایک ماہ کےدوران 1 ارب 35 کروڑروپے سے زائد اضافی بوجھ برداشت کرنا پڑےگا۔