بالی ووڈ کے سپر اسٹار شارخ خان کے بیٹے کو ضمانت مل گئی

غیر ملکی خبر رساں ادارے کے مطابق آریان خان کو تین ہفتے سے زیادہ جیل میں رہنے کے بعد ممبئی ہائی کورٹ نے ضمانت دے دی ہے۔ ممبئی ہائیکورٹ  نے ڈرگ آن کروز کیس میں این سی بی کے ذریعہ گرفتار آریان خان، سمیت 3 افرادکو ضمانت  دی۔ شاہ رخ خان کا بیٹا آریا ں خان 20 دن جیل میں رہا۔

شاہ رخ خان کا 23 سالہ بیٹا نارکوٹکس کنٹرول بیورو کے کروز شپ پارٹی پر چھاپے کے چند گھنٹے بعد 3 اکتوبر سے حراست میں ہے۔ آریان خان، جو 8 اکتوبر سے ممبئی کی آرتھر روڈ جیل میں ہیں، اس سے قبل  دو بار ضمانت مسترد کر دی گئی تھی۔ ان کے وکلاء نے بارہا نشاندہی کی تھی کہ ان پر کوئی منشیات نہیں ملی ہیں۔ تاہم، این سی بی نے دلیل دی کہ وہ ایک سازش کا حصہ تھا اور اس کے واٹس ایپ چیٹس سے پتہ چلتا ہے کہ  وہ  منشیات کے غیر قانونی کاروبار میں  ملوث  ہے۔

آریان خان کے والد شاہ رخ خان ہندوستان کے سب سے بڑے اور سب سے زیادہ پسند کیے جانے والے فلمی ستاروں میں سے ایک ہیں۔ خانز کے ممبئی کے گھر "منت" کے باہر کئی دنوں سے مداح ان کی حمایت کا اظہار کرنے کے لیے جمع تھے۔