عبدالقدوس بزنجو کے بلامقابلہ وزیراعلیٰ بلوچستان منتخب   ہونے کا امکان 

تفصیلات کے مطابق عبدالقدوس بزنجو کے بلامقابلہ وزیراعلیٰ بلوچستان منتخب   ہونے کی راہ ہموار ہوگئی ہے،  وزیراعلی بلوچستان کیلئے کاغذات نامزدگی جمع کرانے کا مرحلہ ختم ہوگیا،  میر عبدالقدوس بزنجو کے مقابلے میں کسی رکن نے کاغذات نامزدگی جمع نہیں کرائے ۔ بی اے پی کے میر عبدالقدوس بزنجو کا وزیراعلی بلوچستان کا منصب سنبھالنا یقینی ہوگیا۔

میر عبدالقدوس کی جانب سے اسمبلی سیکرٹریٹ پانچ کاغذات نامزدگی جمع کرائے گئے ہیں ،  کاغذات نامزدگی جمع کرانے کا مقررہ وقت ختم ہوگیا ہے۔

سیکرٹری اسمبلی کا کہنا ہے کہ   وزیراعلی کے انتخاب کیلئے ووٹنگ کل اسمبلی اجلاس میں ہوگی۔

چند روز قبل  وزیراعلیٰ بلوچستان جام کمال نے اپنے عہدے سے استعفیٰ دیدیا تھا جسے گورنر بلوچستان نے منظور کرلیا تھا۔ وزیراعلیٰ بلوچستان کے خلاف ان کے مخالفین نے تحریک عدم اعتماد بھی پیش کی ہوئی تھی۔