ٹی ٹوئنٹی ورلڈ کپ : آسٹریلیا نے سری لنکا کو شکست دے دی

ٹی ٹوینٹی ورلڈ کپ کے سپر 12 مرحلے میں آسٹریلیا نے سری لنکا کو باآسانی 7 وکٹوں سے شکست دے دی۔ آسٹریلیا نے 155 رنز کا ہدف 3 وکٹوں کے نقصان پر 16.5 اوورز میں حاصل کرلیا۔

آسٹریلیا کی جانب سے  اوپنر ڈیوڈ وارنر نے 65 رنز بنائے ، کپتان ایرون فنچ 37 رنز کے ساتھ نمایاں رہے، گلین میکسویل پانچ رنز بنا کر آؤٹ ہوئے۔اسٹیو اسمتھ 28 اور مارکس اسٹونس 16 رنز کے ساتھ ناٹ آؤٹ رہے۔

Two in two for Australia ✌️
#T20WorldCup | #AUSvSL | https://t.co/dkIIjDEJLc pic.twitter.com/Xv8KlB4f0I

— T20 World Cup (@T20WorldCup) October 28, 2021

سری لنکا کی جانب سے ہسارنگا ڈی سلوا نے دو وکٹیں حاصل کیں، دسن سناکا ایک وکٹ حاصل کرسکے۔

اس سے قبل  سری لنکا نے آسٹریلیا کو جیتنے کیلئے 155  رنز کا ٹارگٹ دیا تھا، سری لنکا نے 20 اوورز میں  6 وکٹوں پر 154  رنز بنائے تھے۔

سری لنکا کے کوشل پریرا اور اسالانکا 35،35 رنز بنا کر نمایاں رہے جبکہ  آسٹریلیا  کے مِچل سٹارک، پیٹ کمنز اور ایڈم زمپا نے دو دو وکٹیں حاصل کیں۔

خیال رہے کہ  آسٹریلیا نے ٹاس جیت کر سری لنکاکے خلاف فیلڈنگ کا فیصلہ کیا تھا۔