ایف آئی اے کی   کالعدم جماعت کے سوشل میڈیا  چلانے والوں کیخلاف کارروائی، 12 گرفتار

تفصیلات کے مطابق  ایف آئی اے سائبر کرائم  نے کالعدم جماعت کے سوشل میڈیا چلانے والوں کے خلاف کارروائی کی ہے۔ایف آئی اے حکام کے مطابق لاہور،بہاولپور،فیصل آباد،ننکانہ،اسلام آباد سمیت دیگر شہروں میں آپریشن کیا گیا۔

ایف آئی اے حکام  کیجانب  سے  آپریشن کے دوران بارہ افراد کو گرفتار کرلیا گیا،  گرفتار افراد میں نعیم اختر،ایوب،محمد حسین رسول،محمد حسن،غلام شبیر،شاہزیب نذیر،حمزہ شیخ  شامل ہیں۔ایف آئی اے حکام کا کہنا ہے کہ گرفتار افراد سوشل میڈیا پر نفرت انگیز مواد اور جعلی تصاویر و ویڈیوز  اپ لوڈ کررہے تھے۔

دوسری جانب گزشتہ روز سادھوکی کے مقام پر کالعدم مذہبی جماعت اور پولیس کے درمیان چھڑپوں  ہوئیں ،  ایس ایچ او صدر کامونکی فرحت نواز کی مدعیت میں تھانہ صدر کامونکی میں مقدمہ درج کرلیا گیا، مقدمہ انسداد دہشتگردی ایکٹ،ڈکیتی،اغواء،اقدام قتل ،سرکاری املاک کو نقصان پہنچانے سمیت 16 دفعات کے تحت درج کیا گیا۔

پولیس  کے مطابق مقدمہ میں مجلس شوری کے اراکین سمیت 119 افراد نامزد جبکہ 2000 کے قریب نامعلوم افراد کے خلاف مقدمہ درج کیا گیا،  حکومت پنجاب کی ہدایت پر نقص امن کو بحال رکھنے کے لیے ڈیوٹی پر موجود تھے کہ مظاہرین نے حملہ کر دیا مظاہرین پولیس سے شیل ،گاڑیاں موٹرسائیکلیں اینٹی رائٹ سامان سمیت دیگر اشیاء چھین کر فرار ہو گئے، گزشتہ روز چھڑیوں میں پولیس افسران سمیت 70 اہلکار زخمی ہوئے تھے۔