زین ملک اور گیگی حدید کی راہیں جدا ہو گئیں

نیویارک : پاکستانی نژاد گلوکار زین ملک اور فلسطینی نژاد امریکی سپر ماڈل گیگی حدید نے بیٹی ہونے کے 13 ماہ بعد ہی راہیں جدا کر لیں۔

میڈیا رپورٹس کے مطابق دونوں ستاروں میں علیحدگی زین ملک کے سپر ماڈل کی ماں سے اختلاف بنے۔ زین ملک نے اس سارے معاملے پر طویل  ٹوئٹ کے ذریعے اپنے مداحوں کو آگاہ کیا، ان کا کہنا تھا کہ یہ ایک نجی معاملہ تھا جسے ساری دنیا کے سامنے اچھالا گیا، لیکن وہ اپنی بیٹی کے لیے کوئی مشکل کھڑی کرنا نہیں چاہتے۔

pic.twitter.com/Idwdx1PZdB

— zayn (@zaynmalik) October 28, 2021

گیگی حدید کی فیملی کی طرف سے بتایا گیا ہے کہ دونوں اب ساتھ نہیں ہیں لیکن وہ اپنی بیٹی کے بہترین والدین ہیں۔  رپورٹ کے مطابق تلخ کلامی کے دوران زین ملک نے گیگی حدید کی ماں پر ہاتھ اٹھایا جس پر وہ پولیس میں شکایت بھی درج کرنا چاہتی تھیں، لیکن زین ملک کی جانب سے اس بات کی تردید کی گئی ہے۔

ستمبر 2020 میں امریکی سپر ماڈل اور گلوکار زین ملک کے ہاں بیٹی کی پیدائش ہوئی تھی۔ زین ملک اور گیگی حدید نے اس خوشخبری کا اعلان انسٹاگرام پر بچی کا ہاتھ تھامے بلیک اینڈ وائٹ تصویر شیئر کرتے پوئے کیا تھا۔ 

زین ملک اور گیگی حدید کے درمیان ابتدائی طور پر 2015 میں تعلقات استوار ہوئے جبکہ 2018 میں دونوں کے درمیان نامعلوم وجوہات کی بنا پر اختلافات ہوگئے اور دونوں کے درمیان علیحدگی ہوگئی تھی، لیکن جنوری 2020 میں ایک بار پھر دونوں کے درمیان تعلقات استوار ہونے کی خبریں سامنے آئی تھیں۔