اپوزیشن آج ڈیرہ غازی خان میں اپنی طاقت کا مظاہرہ کریگی

تفصیلات کے مطابق اپوزیشن کے جلسہ کےلیے تیاریاں مکمل کر لی گئیں ،  مسلم لیگ ن کے ہراول دستہ کے طور پر رانا ثنااللہ ڈیرہ غازیخان پہنچ چکے ہیں ،  چارکنٹینرز پر سٹیج بنایا جائیگا۔  دیگر دو کنٹینرز صحافیوں اور معززین کے بیٹھنے کےلیے استعمال ہونگے۔  ساونڈ سسٹم اور کرسیاں وغیرہ بھی پہنچا دی گئیں۔

جی این این کے مطابق  میاں شہباز شریف سابق وزیر اعظم شاہد خاقان عباسی اور مولانا فضل الرحمان آج ڈیرہ غازیخان آئیں گے ، جمیعت علمائے اسلام کے رضاکاران ڈیرہ غازیخان پہنچ گئے،  انصار السلام کے رضاکاران جلسہ گاہ میں سیکیورٹی کے فرائض سر انجام دینگے،  جلسے میں ہزاروں افراد / کارکنان کی شرکت کا امکان ہے۔