وزیر اعظم کا دورہ برطانیہ منسوخ ، سفارتی ذرائع

ذرائع کا کہنا ہے کہ  وزیراعظم عمران خان  نے  دورہ برطانیہ منسوخ کردیا ہے، وزیراعظم نے برطانیہ کے شہر گلاسکو میں ماحولیاتی آلودگی سے متعلق سربراہی اجلاس میں شرکت کرنا تھی،  ماحولیاتی آلودگی کا سربراہی اجلاس یکم سے تین نومبر کو برطانیہ کے شہر گلاسکو میں ہورہاہے۔

ذرائع کا کہنا ہے کہ  وزیراعظم عمران خان نے اپنا دورہ ملکی حالات کے پیش نظر ملتوی کیا،  وزیراعظم کی جگہ نمائندگی وفاقی وزیرزرتاج گل اورمشیر ملک امین اسلم کریں گے۔ 

خیال رہے کہ  پرنس آف ویلز نے 26 اکتوبرکو وزیراعظم  عمران خان کوبذریعہ کال اجلاس میں شرکت کیلئےمدعو کیا تھا۔ امریکی صدر سمیت دنیا بھر کےاہم رہنما سربراہی اجلاس میں شرکت کررہے ہیں۔