یوٹیلیٹی اسٹورز نے گھی، کوکنگ آئل مہنگا کرنے کا نوٹیفکیشن منسوخ کردیا

تفصٰلات کے مطابق ترجمان یوٹیلیٹی اسٹورز کارپوریشن کے مطابق گھی اورخوردنی تیل کی قیمتوں میں اضافے کا نوٹیفکیشن منسوخ کردیا گیا ہے، عوام کی سہولت کے لیے گھی سمیت دیگر سبسڈائزڈ اشیاء کی قیمتوں میں کوئی اضافہ نہیں ہوا۔ ترجمان کاکہنا ہے کہ عوام کو بہترین اشیاء ارزاں نرخوں پر مہیا کرنے کے لیے پر عزم ہیں۔ 

ترجمان کے مطابق یوٹیلیٹی اسٹورز پر پر یمئم برانڈز کے گھی اور خوردنی تیل کی قیمتوں میں حالیہ اضافہ مینوفیکچررز کی جانب سے قیمتیں بڑھانے کے بعد کیا گیا تھا۔

قبل ازیں یوٹیلیٹی اسٹورز پر گھی فی کلو 53 روپے اور مختلف برانڈز کے کوکنگ آئل 65 روپے تک فی لیٹر مہنگا  کرنے کا نوٹیفکیشن جاری کیا گیا تھا۔

خیال رہے کہ گزشتہ دنوں بھی یوٹیلٹی اسٹورز پر مختلف برانڈز کے گھی اور کوکنگ آئل کی قیمتوں میں اضافہ کیا گیا تھا۔