Advertisement

انگلینڈ کرکٹ بورڈ کے چیف ایگزیکٹو ٹام ہیریسن لاہور پہنچ گئے 

لاہور : انگلینڈ کرکٹ بورڈ کے چیف ایگزیکٹو ٹام ہیری سن لاہور پہنچ گئے، وہ آج دوپہر چیئرمین پی سی بی رمیز راجہ سے ملاقات کریں گے۔

GNN Web Desk
شائع شدہ 5 سال قبل پر نومبر 9 2021، 5:40 شام
ویب ڈیسک کے ذریعے
انگلینڈ کرکٹ بورڈ کے چیف ایگزیکٹو ٹام ہیریسن لاہور پہنچ گئے 

تفصیلات کے مطابق سربراہ انگلینڈ کرکٹ بورڈ پی سی بی کے ساتھ تعلقات استوار کرنے کیلئے پاکستان آئے ہیں ، مختصر دورے میں ای سی بی سربراہ انگلینڈ کے 2022ء میں دورۂ پاکستان پر بات چیت کریں گے۔  سربراہ انگلینڈ کرکٹ بورڈ ٹام ہیریسن آئندہ برس کے مکمل دورے کی یقین دہانی کرائیں گے۔

دورۂ پاکستان کے بعد سربراہ انگلینڈ کرکٹ بورڈ ٹام ہیریسن نے آئی سی سی میٹنگز کے لئے دبئی جانا ہے۔ 

خیال رہے کہ  ستمبر میں انگلینڈ کا دورہ پاکستان منسوخ ہونے پر پی سی بی انگلینڈ سے تعلقات کشیدہ ہوگئے تھے ۔ ٹام ہیریسن تعلقات میں کشیدگی کم کرنے کیلئے دورہ پاکستان کررہے ہیں۔ 

واضح رہےکہ گزشتہ ماہ پہلا ون ڈے شروع ہونے سے کچھ دیر قبل نیوزی لینڈ کرکٹ ٹیم نے سکیورٹی خدشات کو جواز بناکر پاکستان کا دورہ اچانک ختم کرنے کا اعلان کردیا جس کے بعد دونوں ٹیموں کے درمیان سیریز ملتوی کردی گئی ، نیوزی لینڈ کی جانب سے دورہ منسوخ کرنے کے بعد انگلینڈ کرکٹ بورڈ نے بھی پاکستان کا طے شدہ دورہ منسوخ کیا تھا۔

Advertisement
رجحانات
Advertisement