وزیراعظم عمران خان کی زیر صدارت وفاقی کابینہ کا اجلاس آج ہوگا

اسلام آباد:  وزیراعظم عمران خان کی زیر صدارت وفاقی کابینہ کا اجلاس آج ہوگا جس میں وفاقی کابینہ کے اجلاس میں 13 نکاتی ایجنڈا پر غور کیا جائے گا۔

تفصیلات کے مطابق کابینہ اجلاس میں ملکی سیاسی و معاشی صورتحال کا جائزہ لیا جائے گا۔ کابینہ ارکان کو مہنگائی کی موجودہ صورتحال پر بریفنگ دی جائے گی۔

اسٹیبلشمنٹ ڈویژن کابینہ کو وزارتوں اور اداروں میں سی ای اوز اور ایم ڈیز کی خالی نشستوں پر بریفنگ دے گی۔ کابینہ آئی سی ٹی کریمنل پراسیکیوشن سروس ایکٹ 2021 کی منظوری دے گی۔

اجلاس میں افغانستان کے ساتھ ٹرانٹ ٹریڈ معاہدے میں توسیع کی منظوری دے جائے گی۔ برآمدی سیکٹر کے لیے گیس اور آر ایل این جی کے ٹیرف پر نظر ثانی کابینہ ایجنڈے میں شامل ہے۔ 

کابینہ این ٹی ڈی سی ایل کے ایم ڈی کی تقرری میں عبوری توسیع کی منظوری دے گی۔  ٹیکس قانون میں تیسری ترمیم آرڈیننس 2021 کی منظوری بھی کابینہ ایجنڈے میں شامل ہے۔ 

کابینہ گلگت بلتستان اور آزاد کشمیر میں پی ٹی ڈی سی کی اراضی پرائیویٹ سیکٹر کو لیز پر دینے کی منظوری دے گی۔ کابینہ کمیٹی برائے ادارہ جاتی اصلاحات کے فیصلوں کی توثیق کابینہ ایجنڈے میں شامل ہے۔ 

کابینہ ای سی سی کے فیصلوں کی توثیق بھی کرے گی