سائنو فارم،سائنو ویک ویکسین لگوانے والے افراد اب برطانیہ جا سکیں گے

تفصیلات کے مطابق برطانیہ نے  سائنو فام اور سائنو ویک اور بھارتی کوویکس ویکسین کی منظوری دے دی ۔ ان  ویکسینزکو  لگوانے والے افراد برطانیہ کا سفر کرسکیں گے ۔  پاکستان میں برطانوی ہائی کمشنر نے کہا ہےکہ  پاکستان سے چینی ویکسین لگوانے والے افراد  بھی 22 نومبر سے برطانیہ جا سکیں گے۔

22 نومبر سے نافذ ہونے والے اس اقدام سے متحدہ عرب امارات، ملائیشیا اور پاکستان ،بھارت  سمیت  کئی ممالک کے ویکسین شدہ  افراد کو  فائدہ پہنچے گا۔اس حوالے سے  برطانوی محکمہ ٹرانسپورٹ  کا کہنا ہے  کہ سفری قوانین کو مزید آسان بنایا جا رہا ہے ، جس کے پیش نظر  18 سال سے کم عمر کے تمام لوگوں کو سرحد پر مکمل ویکسین شدہ تصور کیا جائے گا اور وہ پہنچنے پر خود کو قرنطینہ کیے بغیر انگلینڈ میں داخل ہو سکیں گے۔

برطانوی محکمہ صحت حکام نے مزید کہا کہ  کورونا سے بچاؤ کیلئے ریڈ لسٹ  اور قرنطینہ کا نظام  حفاظت کے لیے اہم ہے، اور جیسا کہ ہم نے کہا ہے کہ  ہم ضرورت پڑنے پران  ممالک کو ریڈ لسٹ میں شامل کرکے کارروائی کرنے سے دریغ نہیں کریں گے۔