موسمِ سرما کیلئے بجلی سستی کرنے کے حکومتی پیکیج کا نوٹیفکیشن جاری

تفصیلات کے مطابق   موسمِ سرما کے لیے بجلی سستی کرنے کے حکومتی پیکیج کا نوٹیفکیشن جاری کردیا گیا۔نوٹیفکیشن میں کہا گیا ہے کہ  رعایتی پیکیج کا اطلاق یکم نومبر 2021ء سے 28 فروری 2022ء تک ہو گا،  گزشتہ سال کی نسبت زیادہ بجلی کے استعمال پر ریٹ 12 روپے 96 پیسے فی یونٹ ہو گا، نئے بجلی کے صارفین کے لیے بھی زائد کھپت پر ریٹ 12 روپے96 پیسےہی ہو گا۔

نوٹیفکیشن  کے مطابق گھریلو، کمرشل اور جنرل سروسز کے صارفین کے لیے بھی 12 روپے 96 پیسے فی یونٹ ریٹ ہی ہو گا،  بجلی کے اضافی استعمال پر سہ ماہی ایڈجسٹمنٹ کا اطلاق نہیں ہو گا، اضافی بجلی کے استعمال پر مثبت فیول ایڈجسٹمنٹ کا اطلاق ہو گا۔