جو قوم انصاف نہیں کر سکتی وہ تباہ ہو جاتی ہے :وزیراعظم

تفصیلات کے مطابق وزیراعظم عمران خان کا تقریب سے خطاب کرتے ہوئے کہنا تھا کہ آزمائش کے وقت پتہ چلتا ہے کہ انسان کتنا مضبوط ہے اور سب سے بڑی قوت ایمان کی ہوتی ہے۔ 

انہوں نے کہا کہ جو قوم انصاف نہیں کر سکتی وہ تباہ ہو جاتی ہے اور حق پر کھڑے انسان کو کبھی کمزور نہ سمجھیں۔

ان کا کہناتھا کہ آپ کو ہمیشہ دو چوائسز ملیں گی، ایک راستہ وہ ہے جو لگتا بڑا مشکل ہے لیکن وہ راستہ جہاں نعمتیں ملتی ہیں، دوسرا راستہ جو شارٹ کٹ ہے اور دنیا بھی یہ کرتی ہے تو ہم بھی کرلیں، ہروقت احساس ہوگا کہ آپ زمینی حقائق نہیں جانتے ہیں۔

ان کا مزید کہنا تھا کہ ہمیشہ دو راستوں پر فیصلہ کرنا ہوگا کیونکہ ایک آپ کی عظمت کا راستہ ہے اور دوسرا راستہ جولگتا بڑا پرکشش ہے لیکن وہ انسان کی تباہی کا ہے۔