افغان قائم مقام وزیر خارجہ امیر متقی اعلی سطحی وفد کے ہمراہ اسلام آباد پہنچ گئے

تفصیلات کے مطابق  افغان عبوری وزیر خارجہ ملا امیر متقی کی قیادت میں اعلیٰ سطح کا وفد اسلام باد پہنچ گیا ہے، وفد میں افغان وزیر خزانہ اور وزیر تجارت شامل ہیں۔

جی این این کے مطابق  وفد کل صبح دفتر خارجہ کا دوری کرے گا،  وفد وزیر اعظم عمران خان، صدر مملکت اور دیگر متعلقہ حکام سے ملاقاتیں کرے گا۔ذرائع کے مطابق افغان وفد کی عسکری قیادت سے ملاقات بھی متوقع ہے۔

اس سے قبل  ترجمان افغان وزارت خارجہ قہار بلخی کا کہنا تھا کہ  وفد افغان صورتحال پر 2 روزہ ٹرانیکا پلس اجلاس میں بھی شرکت کرے گا جو 11 اور 12 نومبر کو اسلام آباد میں ہو گا۔ جس میں پاکستان، روس، امریکہ اور چین کے وفود شرکت کریں گے۔

افغان وزارت خارجہ کے ترجمان قہار بلخی نے سماجی رابطے کی ویب سائٹ ٹوئٹر پر لکھا کہ اسلام آباد میں ہونے والی ملاقاتوں میں دونوں ممالک کے تعلقات، معیشت اور افغان مہاجرین سے متعلق بات چیت ہو گی۔