حکومت نے شہباز شریف کا نام ای سی ایل میں ڈال دیا ، ذرائع

ذرائع کے مطابق  وفاقی حکومت نے اپوزیشن لیڈر شہباز شریف اور قائم علی شاہ کے نام ای سی ایل میں ڈال دئیے ہیں ،   وفاقی کابینہ نے سمری سرکولیشن کے ذریعے نام ای سی ایل میں ڈالنے کی منظوری دی، قائم علی شاہ اور شہباز شریف کے نام مختلف کیسز کیوجہ سے ای سی ایل میں ڈالے گئے۔

ذرائع کا کہنا ہے کہ  قائم علی شاہ کے خلاف سندھ روشن پروگرام میں کرپشن کا کیسز نیب میں ہے، شہباز شریف پر آمدن سے زائد اثاثے اور منی لانڈرنگ کے الزامات ہیں، سپریم کورٹ کے حکم پر دونوں کے نام ای سی ایل میں ڈالے گئے،  وفاقی کابینہ نے چند روز پہلے سمری سرکولیشن کے ذریعے منظوری دی، وفاقی کابینہ کی منظوری کے بعد وزارت داخلہ نے شہباز شریف اور قائم علی شاہ کے نام ای سی ایل میں ڈال دئیے۔