شاداب خان بالر حسن علی کیلئے بول پڑے

شاداب خان نے اپنے تصدیق شدہ ٹوئٹر اکاؤنٹ پر حسن علی کی وہ تصویر شیئر کی جوکہ چیمپیئن ٹرافی جیتنے پر لی گئی تھی۔ 
ٹوئٹر پر تصویر شیئر کرتے ہوئے شاداب خان نے حسن علی سے مخاطب ہوکر لکھا کہ ’آپ ایک چیمپئن ہیں، پوری ٹیم آپ کے ساتھ ہے۔‘

.@RealHa55an you are a champion. The entire team is with you. To all the fans, everyone goes through tough times, we are all human beings capable of errors. Remember the joy Hasan has given you, don’t do personal attacks please. He is Pakistan’s match-winner. #WeStandWithHasanAli pic.twitter.com/g9UzkGHPim

— Shadab Khan (@76Shadabkhan) November 12, 2021

شاداب خان نے شائقین کرکٹ سے مخاطب ہوتے ہوئے لکھا کہ ’ہر کوئی مشکل وقت سے گزرتا ہے، ہم سب انسان ہیں اور غلطیاں انسان سے ہی ہوتی ہیں۔‘

اُنہوں نے کہا کہ ’ماضی میں حسن علی نے آپ کو جو خوشی دی ہے اسے یاد رکھیں۔‘ 
 
شاداب خان نے اپیل کرتے ہوئے کہا کہ ’براہِ کرم! حسن علی پر ذاتی حملے نہ کریں، وہ پاکستان کا میچ ونر ہے۔‘

واضح رہے کہ میچ کے 19ویں اوور میں شاہین آفریدی کی گیند پر حسن علی سے ویڈ کا کیچ ڈراپ ہوگیا تھا، کیچ چھوٹنے کے بعد ویڈ نے 3 چھکے لگاکر پاکستان سے جیت چھین لی تھی۔

ویڈ نے17گیندوں پر 41 نا قابل شکست رنز بنائے جس میں چار چھکے اور دو چوکے شامل تھے۔ 
 
ان کی ناقابل یقین اننگز اور ساتھی مارکس اسٹوئنس کی 31 گیندوں پر 40 رنز کی اننگز کی بدولت آسٹریلیا اب فائنل میں پہنچ گیا ہے جہاں اتوار کو وہ نیوزی لینڈ کے خلاف میچ کھیلے گا۔