پولیس کی بڑی کارروائی ، گاڑیوں کے جعلی انجن وچیسز پلیٹیں تیار کرنے والا گینگ گرفتار

تفصیلات کے مطابق راولپنڈی میں تھانہ کینٹ پولیس  نے بڑی کارروائی کرتے ہوئے گاڑیوں اور موٹرسائیکلوں کے جعلی انجن و چیسز پلیٹیں تیار کرنے والا گینگ گرفتارکرلیا ہے۔

ترجمان  پولیس کے مطابق گینگ کے 04 گرفتار ارکان میں زبیرحسین، انور، عبدالمنان اور فیصل شامل ہیں،  ملزمان سے جعلی انجن چیسز نمبر لگی 03 گاڑیاں اور 08 موٹر سائیکل برآمد ہوۓ ہیں،  ملزمان سے 33 تیار شدہ انجن و چیسزنمبر پلیٹس،50 غیر تیار شدہ انجن و چیسزنمبر پلیٹس بھی برآمد ہوئیں ، ملزمان کے قبضے سے جعلی انجن و چیسز پلیٹیں تیار کرنے والی 04 ڈائیاں بھی برآمد کر کے قبضہ پولیس میں لی گئی ہیں۔