لاہور : چنگ چی رکشے پر خاتون کے ساتھ بدتمیزی کیس میں بڑی پیش رفت

مقامی میڈیا کے مطابق ضلع کچہری میں چنگ چی رکشے پر خاتون کے ساتھ بدتمیزی کیس میں بڑی پیش رفت ہوئی ہے، جوڈیشل مجسٹریٹ حسن سرفراز چیمہ نے ملزمان کے خلاف کیس پر سماعت کی، متاثرہ خاتون  نے عدالت میں دو ملزمان کے حق میں بیان دے دیا۔

 عدالت نے محمد عاطف اور عثمان ریاض کی ایک لاکھ روپے مچلکوں کے عوض درخواست ضمانت منظور کرلی۔

متاثرہ خاتون عدالت میں بیان دیا کہ  دونوں ملزمان میرے ملزم نہیں ہیں،  تسلی کرنے کے بعد بتانا چاہتی ہوں کہ ملزمان کے خلاف کارروائی نہیں کرنا چاہتی اور  ملزمان کی درخواست ضمانت منظور ہونے پر کوئی اعتراض نہیں ہے۔

خیال رہے کہ لاہور میں 14 اگست کی رات کی ایک اور ویڈیو وائرل ہوئی تھی جس میں چنگچی میں بیٹھی لڑکی کے ساتھ اوباش نوجوان غیراخلاقی حرکت کرکے بھاگ جاتا ہے۔