برطانیہ: پولیس نے لیورپول میں اسپتال کے سامنے ہونیوالےدھماکے کو دہشتگردی قراردےدیا

غیر ملکی خبر رساں ادارے کے مطابق  برطانوی انسدادِ دہشتگری پولیس کاکہناہےکہ ہلاک ہونیوالےمسافر کی شناخت معلوم ہے۔ دھماکے کی تحقیقات جاری ہیں،اب تک مجموعی طور پر چار افراد کو گرفتار کیاجاچکاہے۔

پولیس کے مطابق دھماکہ خیزڈیوائس مسافر نےخود تیار کی تھی تاہم حملے کا مقصد تاحال معلوم نہیں  ہوسکاہے۔اسپتال کے باہر پولیس تعینات ہے۔۔

دوسری جانب برطانوی وزیرداخلی پریتی پٹیل نے ملک میں دہشتگردی کے خطرے کا لیول بڑھا دیا ہے۔

گزشتہ روز لیورپول ویمنز ہسپتال کے باہرٹیکسی میں دھماکہ ہوا تھا۔جس میں حملہ آور ہلاک اور ٹیکسی ڈرائیور زخمی ہوگیاتھا۔ حملہ آور کو گاڑی میں لاک کرنےپرلیورپول مئیر نےٹیکسی ڈرائیور کو ہیرو قراردیا ہے۔