وزیراعظم عمران خان سےبحرین کی کونسل آف نمائندگان کے اسپیکرکی ملاقات 

تفصیلات کے مطابق اسپیکرنےبحرین  کی قیادت کی طرف سے وزیراعظم کو نیک خواہشات کا پیغام پہنچایا جبکہ اسپیکر بحرین اسمبلی کا کہنا تھا کہ وفد کا دورہ دونوں ممالک کےتاریخی برادرانہ تعلقات کا اعادہ ہے۔

ا سپیکر نے مختلف شعبوں میں تعاون کو مزید مضبوط بنانے کی خواہش کا اظہار کیا جبکہ افغانستان کی صورتحال پر اجتماعی ردعمل  پر اتفاق کیا۔

وزیراعظم عمران خان نے افغانستان میں انسانی بحران  روکنے کیلئےفوری اقدامات پر زور دیا اور افغانستان کے مالیاتی اثاثوں کو بحال کرنے کی ضرورت پر بھی زور دیا۔

وزیر اعظم کا مزید کہنا تھا کہ بحرین  میں مقیم  پاکستانی دوطرفہ تعلقات  میں اہم کردار ادا کررہے ہیں،دونوں ممالک  مختلف شعبوں میں تعلقات   کو وسعت دینے کے خواہاں ہیں۔