آسٹریلوی کپتان ساتھی کھلاڑی کو نازیبا پیغامات بھیجنے پر پھنس گئے ، استعفیٰ دینا پڑ گیا

میلبرن : آسٹریلیا کے ٹیسٹ ٹیم کے کپتان ٹیم پین کو بڑے سیکنڈ ل کا سامنا کرنا پڑگیا ْ ۔ آسٹریلیا کے کپتان ٹم پین انگلینڈ کے خلاف ایشز سیریز سے قبل ٹیسٹ ٹیم قیادت سے دستبردار ہو گئے۔

ٹیم پین نے آسٹریلیا کی ٹیسٹ ٹیم کی کپتان سے استعفیٰ دیدیا ہے جبکہ ٹیم پین کا استعفیٰ آسٹریلوی کرکٹ بورڈ نے منظور بھی کرلیا ہے ۔ 

میڈیا رپورٹس کے مطابق ٹم پین پر آسٹریلوی ٹیم کے ساتھی  کھلاڑی پر نازیبا پیغامات بھیجنے کا الزام ہے ۔ کرکٹ آسٹریلیا نے ٹیم پین کے پیغامات حوالے سے تحقیقات کا آغاز کردیا ہے ۔ 

واضح رہے کہ ٹم پین پر 2017 کی ایشیز سیریز کے دوران کرکٹ تسمانیہ کی سابق ملازمہ کو نازیبا پیغامات بھیجنے کا الزام ہے۔ خیال رہے کہ آسٹریلیا نے دو روز قبل ہی انگلینڈ کے خلاف 8 دسمبر سے شروع ہونے والی ایشز سیریز کے لیے ٹیم کا اعلان کیا تھا جس میں ٹم پین کو کپتان اور پیٹ کمنز کو نائب کپتان مقرر کیا تھا۔