پاکستان نے پاک فضائیہ کا ایف 16 طیارہ مار گرانے کا بے بنیاد بھارتی دعویٰ مسترد کردیا
اسلام آباد: ترجمان دفتر خارجہ کا کہنا ہے کہ بھارتی پائلٹ کو ایوارڈ دینا اپنے عوام کو مطمئن کرنا اور شرمندگی کو چھپانا ہے۔


تفصیلات کے مطابق پاکستان نے فروری 2019 میں پاک فضائیہ کا ایف 16 طیارہ مار گرانے کا بے بنیاد بھارتی دعویٰ مسترد کردیا ہے۔
ترجمان دفتر خارجہ عاصم افتخار کا کہنا ہے کہ بھارت کے مار گرائے جانے والے طیارے کے پائلٹ کو ایوارڈ دینا اپنے عوام کو مطمئن کرنا اور شرمندگی کو چھپانا ہے۔ بین الاقوامی ماہرین اور امریکی حکام پہلے ہی تصدیق کرچکے ہیں کہ اس دن کوئی پاکستانی ایف 16 نہیں مارا گیا۔
ترجمان دفتر خارجہ نے کہا کہ ابھی نندن نے بھی اپنی ویڈیو میں ایسا کوئی دعویٰ نہیں کیا۔ ایسا جھوٹ جو پوری دنیا میں بے نقاب ہوچکا اس پر بھارت کا اصرار مضحکہ خیز اور بے ہودہ ہے۔ بہادری کے خیالی کارناموں پر اعزازات دینا فوجی طرز عمل کے ہر اصول کے خلاف ہے۔
یاد رہے کہ 27 فروری 2019 کو پاکستان کی فضائیہ نے دن کی روشنی میں دو بھارتی طیارے مار گرائے تھے۔ ان میں سے ایک بھارتی مگ 21 بائیسن طیارہ آزاد جموں و کشمیر میں گرا تھا۔ باہر نکلنے والے پائلٹ کو پاکستان نے پکڑ لیا اور بعد میں جذبہ خیر سگالی کے طور پر رہا کر دیا۔ ان کی ہندوستان واپسی ہندوستان کی دشمنی اور غیر سوچی سمجھی جارحانہ کارروائی کے باوجود پاکستان کی امن کی خواہش کا ثبوت تھی۔ پاک فضائیہ کا ایک اور بھارتی طیارہ ایس یو 30 ایل او سی کی دوسری جانب گرا۔ اسی دن، گھبراہٹ میں، بھارتی فوج نے سری نگر کے قریب اپنے ہی ایم آئی 17 ہیلی کاپٹر کو مار گرایا جس کی ابتدا میں تردید کی گئی، بعد میں اسے قبول کر لیا گیا۔ اس دن ہندوستانی فضائیہ مکمل طور پر آؤٹ پلے ہوئی تھی۔
پاکستان کسی بھی دشمنی کے عزائم کو ناکام بنانے کے لیے اتنا ہی تیار اور پرعزم ہے جیسا کہ فروری 2019 میں تھا۔ ہندوستان کو پاکستان کی خودمختاری کی خلاف ورزی کرنے کی اپنی ناکام کوشش سے سبق سیکھنا اور مستقبل میں کسی بھی مہم جوئی سے باز رہنا بہتر ہوگا۔

متروکہ وقف املاک بورڈ کے 359ویں اجلاس کا دوسرا روز، 13 اہم ایجنڈا آئٹمز زیر بحث
- 3 hours ago

نیشنل گرڈ پاکستان کا بجلی کے ترسیلی نظام کو مضبوط بنانے کیلئے 100 ارب روپے کے صکوک پروگرام کا منصوبہ
- 3 hours ago

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 13 days ago

راولپنڈی: گھر سے خاتون اینکر ربیعہ احسن کی گولی لگی لاش برآمد
- 12 days ago

پولیس افسران کی ترقیوں کے خلاف پنجاب حکومت کی اپیلیں خارج
- 13 days ago

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 12 days ago

فیلڈ مارشل سید عاصم منیر کا خیبر پختونخوا میں امن و استحکام برقرار رکھنے کے عزم کا اعادہ
- 2 hours ago

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 12 days ago

دورہ میران شاہ: آرمی چیف کا دہشتگردی کی لعنت کو فیصلہ کن طور پر ختم کرنے کے عزم کا اظہار
- 3 hours ago

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 13 days ago

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 12 days ago

شعیب ایوب بٹالوی کی موٹیویشنل تقریر نے حاضرین کے دل جیت لیے
- 3 hours ago




