پاک فضائیہ کی سیلنگ ٹیم نے بڑی کامیابی سمیٹ لی

تفصیلات کے مطابق پاک فضائیہ نے کھیل کے میدان میں بڑی کامیابی سمیٹ لی۔ ترجمان پاک فضائیہ کاکہنا ہےکہ کراچی میں منعقد ہونے والی چیمپئن شپ کلفٹن میں پاک فضائیہ نے 3 کیٹیگریز میں طلائی تمغے جیت کر سر خرو رہے جبکہ پاک فضائیہ کی سیلنگ ٹیم نے اپنی برتری برقرار رکھتے ہوئے تینوں طلائی تمغے اپنےنام کئے ہیں۔

پاک فضائیہ نے چیمپئن شپ میں 9 میں سے 8  تمغے جیت کر نئی تاریخ رقم کر دی۔پاک فضائیہ سے وابستہ اویس لیزر کیٹیگری میں چھائے رہےاور طلائی تمغہ اپنے نام کر لیا جبکہ کانسی کا تمغہ بھی پاک فضائیہ کے آگسٹن نے حاصل کیا ہے۔ تاہم پاک بحریہ کے حمزہ لیزر کیٹیگری میں سخت مقابلے کے بعد چاندی کا تمغہ حاصل کرنے میں کامیاب ہوئے ہیں۔

ترجمان پاک فضائیہ کا مزید کہنا تھا کہ پاک فضائیہ نے 470کلاس کیٹیگری میں طلائی، چاندی اور کانسی کے تمام تمغے اپنے نام کئےہیں۔