پاکستان
وزیر اعظم آزاد کشمیر سردار عبدالقیوم نیازی کا بڑا فیصلہ
مظفر آباد: وزیر اعظم آزاد کشمیرسردار عبدالقیوم نیازی کابڑا فیصلہ،وزیر اعظم ہاؤس مظفرآباد کو امراض قلب کے جدید اسپتال میں تبدیل کرنے کا اعلان۔
تفصیلات کے مطابق وزیراعظم آزاد کشمیرعبدالقیوم نیازی کا کہنا تھا کہ وزیر اعظم ہاؤس کو امراض قلب کا اسپتال بنانے کی سمری وفاقی حکومت کو ارسال کردی ہے ،مظفرآباد میں نوتعمیرشدہ وزیراعظم ہاؤس ایک ارب روپے سے زائد لاگت سے تعمیر ہوا ہے۔
سردار عبدالقیوم نیازی کا کہنا تھا کہ لائن آف کنٹرول کے علاقوں میں بی ایچ یو قائم کریں گے۔
بلدیاتی انتخابات میں نوجوانوں اور خواتین کیلئے 25 فیصد کوٹہ مختص کریں گے،انہوں نے کہا کہ بلدیاتی انتخابات کیلئے فنڈز وفاقی حکومت جاری کرے گی۔
ان کا مزید کہنا تھا کہ وزیر اعظم بننے کے بعد ایوان وزیراعظم کے اخراجات میں کمی کی، جبکہ ماضی کی حکومت کے 2 کروڑ 93 لاکھ کی نسبت 3 ماہ میں 92 کروڑ خرچ کیے۔
پاکستان
وزیر خارجہ محمد اسحاق ڈار کی چینی وزیر خزانہ سے ملاقات
ملاقات میں مالی تعاون کو مزید بڑھانے پر تبادلہ خیال کیا
وزیر خارجہ محمد اسحاق ڈار نے عوامی جمہوریہ چین کے وزیر خزانہ سے ملاقات کی ہے۔
ترجمان دفتر خارجہ کے مطابق ملاقات کے دوران نائب وزیراعظم اور چین کے وزیر خزانہ نے پاک چین مالیاتی اور بینکنگ تعاون کو سراہا اوردونوں ممالک کے درمیان آل ویدر سٹریٹجک کوآپریٹو پارٹنرشپ کا مظہر قرار دیا۔
دونوں رہنماؤں نے بزنس ٹو بزنس روابط کے پیش نظر مالی تعاون کو مزید بڑھانے پر تبادلہ خیال کیا۔
دفتر خارجہ کا کہنا تھا کہ چینی وزیر خزانہ نے پاکستان کے اقتصادی ایجنڈے کو سراہا اور مالی استحکام کو مضبوط بنانے کی کوششوں میں چین کی پاکستان کی حمایت جاری رکھنے کا اعادہ کیا جبکہ مالیاتی اور بینکنگ تعاون کو فروغ دینے میں نائب وزیراعظم کے تعاون کو بھی سراہا۔
ترجمان دفتر خارجہ نے مزید بتایا کہ نائب وزیر اعظم اسحاق ڈار نے براہ راست غیر ملکی سرمایہ کاری راغب کرنے کے لیے اصلاحاتی ایجنڈے پر روشنی ڈالی اور چین سے سرمایہ کاری کے حوالے سے پاکستان کی اعلیٰ ترجیح پر بھی زور دیا جبکہ سرمایہ کاری کے حوالے سے جن ترجیحی شعبوں کی نشاندہی کی گئی ان میں زراعت، آئی ٹی، کان کنی ، معدنیات اور قابل تجدید توانائی شامل ہیں۔
نائب وزیراعظم اور وزیرخارجہ اسحاق ڈار نے چائنہ بزنس راؤنڈ اپ سے خطاب کرتے ہوئے کہا کہ پاکستان اور چین کی دیرینہ اور مضبوط دوستی ہے۔ بیجنگ میں ہماری میٹنگ بہت مفید رہی، ملاقات میں علاقائی امورسمیت اہم معاملات پر بھی تبادلہ خیال کیا گیا۔ پاکستان میں سرمایہ کاری کےبہت سےمواقع موجود ہیں۔
دنیا
ایران کے سابق وزیر کو کرپشن کے الزام میں 3 سال قید کی سزا
51 سالہ جواد ساداتی اگست 2021ء سے اپریل 2022ء تک وزیر زراعت رہے
ایران کی عدالت نے سابق وزیر زراعت کو کرپشن کے الزام میں 3 سال قید کی سزا سنادی۔
غیرملکی میڈیا کے مطابق چیف جسٹس غلام حسین محسنی نے مقدمے کی سماعت کے بعد سابق وزیر زراعت جواد ساداتی کو 3 سال قید کی سزا سنائی، 51 سالہ جواد ساداتی اگست 2021ء سے اپریل 2022ء تک وزیر رہے اور ان کے استعفیٰ دینے کے بعد کرپشن کا معاملہ سامنے آیا تھا۔
میڈیا رپورٹ کے مطابق سابق وزیر زراعت پر مویشیوں کی خرید و فروخت کے ایک مبینہ اسکینڈل کی بنیاد پر کیس چلایا گیا تھا۔ اس مقدمے میں 10 افراد کو پہلے ہی سزا سنائی جا چکی ہے۔
ٹیکنالوجی
گوگل نے آرٹیفیشل انٹیلیجنس پر مبنی ایک معیاری ٹول متعارف کرا دیا
ویو (Veo) ٹول 1080p ریزولوشن کی ایک منٹ تک طویل ویڈیو بنانے کی صلاحیت رکھتا ہے
گوگل نے اپنے صارفین کی آسانی کے لیے آرٹیفیشل انٹیلیجنس پر مبنی ایک معیاری ٹول متعارف کرا دیا۔
گوگل کی جانب سے لکھ کر ویڈیو تیار کرنے والا (اے آئی) ٹیکنالوجی پر مبنی ویو (Veo) نامی ٹول متعارف کرایا گیا ہے۔
ویو (Veo) ٹول 1080p ریزولوشن کی ایک منٹ تک طویل ویڈیو بنانے کی صلاحیت رکھتا ہے۔
Veo could help make high-quality video production accessible to everyone. ✨
— Google DeepMind (@GoogleDeepMind) May 15, 2024
It can understand many kinds of effects and even captures the nuance and tone of a prompt - offering an unprecedented level of creative control. → https://t.co/IplcinAVrK pic.twitter.com/IZl7vQfSNa
مذکورہ ٹول بہترین اے ٹیکنالوجی سے لیس ہے، اس کی خاص بات یہ ہے کہ ویڈیو کو شروع سے تبدیل کرنے کی ضرورت درپیش نہیں ہوگی بلکہ ویڈیو تیار کرنے کے بعد بھی اس کے مختلف حصوں کی لکھ کر ترمیم کی جاسکے گی۔مگرویو ٹول کے لیے صارفین کو تھوڑا انتظار کرنا ہوگا۔
خیال رہے اس سے قبل اوپن اے آئی کمپنی ’SORA‘ نام کا تحریر سے ویڈیو تیار کرنے والا ٹول متعارف کروایا تھا۔
-
دنیا 16 گھنٹے پہلے
یورپ میں40 فیصد اموات کی وجہ دل کی بیماریاں ہیں، عالمی ادارہ صحت
-
پاکستان ایک دن پہلے
190 ملین پاؤنڈ ریفرنس،بانی چیئرمین پی ٹی آئی عمران خان کی ضمانت منظور
-
تجارت 2 دن پہلے
ملک میں سونے کی قیمتوں میں مسلسل دوسرے روز کمی
-
تجارت 2 دن پہلے
ہائیکورٹ نے حکومت کو نان فائلرز کی فون سمز بلاک کرنے سے روک دیا
-
پاکستان ایک دن پہلے
فیصل وواڈا کا عدالتی کارروائی میں مداخلت کے ثبوت دینے کا مطالبہ
-
دنیا 14 گھنٹے پہلے
ایران کے سابق وزیر کو کرپشن کے الزام میں 3 سال قید کی سزا
-
پاکستان ایک دن پہلے
9 مئی مقدمات : پی ٹی آئی کے 20 سے زائد رہنماؤں کی ضمانت کنفرم
-
تجارت ایک دن پہلے
ملک میں 2 روز کمی کے بعد سونے کی قیمت میں نمایاں اضافہ