ن لیگ سیاست کی بجائے فلمیں بنانے کا کام شروع کردے:فواد چوہدری

تفصیلات کے مطابق وفاقی وزیراطلاعات کا کہنا تھا کہ ن لیگ لوگوں کو لالچ  دے کر الیکشن لڑتی ہے،کیاووٹ کو دوہزار روپے  میں خریدنا ووٹ کو عزت دینا ہے؟

فواد چوہدری کا کہنا تھا کہ جب بھی ان کا کیس لگتا ہے کبھی کسی کی  آڈیوتو کبھی کسی کی ویڈیوآجاتی ہے،یہ سب کچھ عدلیہ اور فوج کو بلیک میل کرنے کا طریقہ ہے۔

ان کا کہنا تھا کہ فوج جو سرحد پر گولی کھانے کو تیار ہے ان کو کون بلیک میل کر سکتا ہے،اگر ان کا خیال ہے کہ فوج یا عدلیہ کو بلیک میل کر لینگے تو ایسا نہیں ہو گا۔

انہوں نے کہا ہے کہ 1990کا الیکشن ن لیگ نے دھاندلی سے جیتا تھا،ای وی ایم پر اپوزیشن گھبراہٹ کا شکار ہے۔

وفاقی وزیر اطلاعات کا کہنا تھا کہ پاناما ایک عالمی اسکینڈل تھا جس میں ان کی  اربوں کی جائیداددیں ہیں،مریم نواز نے کہا لندن تو کیا پاکستان میں بھی کوئی جائیداد نہیں۔

فواد چوہدری کا کہنا تھا کہ ان پر کیس یہ ہے کہ اربوں کہاں سے آئےجس سے جائیدادیں خریدیں، رسیدیں نہیں تو جیل جائیں گے یا پیسے دیں،اس کا جواب دینا نہیں کبھی کہ رہے ہیں کہ جج یہ تو فوج وہ۔

ان کا مزید کہنا تھا کہ پاکستان میں عمران خان کے مقابلے کا لیڈر ہی کوئی نہیں، عمران خان واحد لیڈر ہے جس کا پورے پاکستان میں ووٹ ہے، یہ سارے تو کل کے بچے ہیں۔