نوٹیفکیشن کے مطابق جسٹس عمر عطابندیال سپریم کورٹ کے سینیئر ترین جج ہیں،  جسٹس عمر عطا بندیال 2 فروری کو عہدے کا چارج سنبھالیں گے۔

وزارت قانون و انصاف نے صدر مملکت عارف علوی کی منظوری کے بعد نوٹیفکیشن جاری کیا ہے۔

یاد رہے کہ چیف جسٹس پاکستان گلزار احمد یکم فروری کو ریٹائر ہوجائیں گے جس کے بعد جسٹس عمر عطا بندیال 2 فروری کو بطور چیف جسٹس اپنے عہدے کا حلف اٹھائیں گے۔

جسٹس عمر عطا بندیال 2 فروری 2022 کو 63 سال، چار ماہ اور 16 دن کی عمر میں ایک سال،6 ماہ اور 25 دن کے لیے 16 ستمبر 2023 تک کے لیے حلف اٹھائیں گے۔

ترجمان ایرانی وزارت خارجہ سعید خطیب زادہ کے مطابق ایران کے تین سفارت کار جدہ پہنچ گئے ہیں جہاں تینوں او آئی سی ہیڈکوارٹر میں اپنے کام کا آغاز کریں گے۔

انہوں نے کہا ہےکہ عراق میں ہونے والے مذاکرات میں سعودی عرب کو ایران کی توقعات کے بارے میں بتا دیا تھا، مستقبل میں ہونے والی بات چیت میں نتائج ملنے کی امید ہے تاہم اس کیلئے سعودی حکام کو اپنے بیانات اور عمل پرتوجہ دینی ہوگی۔

ترجمان ایرانی وزارت خارجہ نےکہا کہ ایران نے ہمیشہ سعودی عرب میں اپنا سفارت خانہ کھولنے پر آمادگی ظاہر کی ہے۔

خیال رہے کہ سعودی عرب اور ایران کے درمیان تعلقات بہتر کرنے کیلئے بات چیت کے چار دور عراق میں ہوچکے ہیں۔

انٹربینک مارکیٹ میں گھٹتی ہوئی ڈیمانڈ کے باعث پیر کو ڈالر کی نسبت روپیہ مزید تگڑا ہوا جس سے ڈالر کی قدر دو ماہ کی کم ترین سطح کے ساتھ 176روپے سے بھی نیچے آگئی۔

Interbank closing #ExchangeRate for today: https://t.co/F8PhNEr8dN pic.twitter.com/CUqmMDymUy

— SBP (@StateBank_Pak) January 17, 2022

انٹربینک مارکیٹ میں ڈالر کی قدر اتارچڑھاؤ کے بعد 15پیسے کی کمی سے 175.91روپے پر بند ہوئی جبکہ اوپن کرنسی مارکیٹ میں ڈالر کی قدر بغیر کسی تبدیلی کے 178روپے پرمستحکم رہی۔