اسپورٹس باڈیز میں موجود مافیا کو ختم کرکے نئی پالیسی لائے ہیں: وزیراعظم

تفصیلات کے مطابق وزیراعظم عمران خان نے ملکی تاریخ کےبڑےکھلیوں کےپروگرام کامیاب جوان سپورٹس ڈرائیوکاافتتاح کردیا ہے جس میں 15 سے25 سال کےنوجوان حصہ لیں گے۔

وزیراعظم عمران خان جناح سٹیڈیم پہنچے جہاں پر انہوں نے مشعل جلا کر سپورٹس میلے کا آغاز کیا،میلے میں 3300 نوجوان،2700 لڑکیاں حصہ لےرہی ہیں جبکہ4 ارب روپےکے4 نئےمنصوبوں کا آغاز بھی کردیا گیا ہے اور ٹیلنٹ ہنٹ پروگرام میں 6 ہزار اتھلیٹ حصہ لے رہے ہیں۔

اس موقع پر خطاب کرتے ہوئے وزیراعظم عمران خان کا کہنا تھا کہ ملک بھر میں گراؤنڈز کا جال بچھائیں گے، خیبرپختونخوا میں 300 اور پنجاب میں 260 گراؤنڈز بناچکے ہیں،کوشش ہے پاکستان عالمی مقابلوں میں بھرپور حصہ لے،نوجوانوں کو پیغام ہے آپ ہارتےتب ہیں جب ہار کردل برداشتہ ہوکر ہاتھ کھڑے کردیتےہیں۔

ان کا کہنا تھا کہ سپورٹس کی نئی پالیسی لے کر آئے ہیں،کوشش ہے پاکستان کے نوجوان انٹرنیشنل سپورٹس میں شرکت کریں،نیوزی لینڈ کی 50 لاکھ کی آبادی ہے، وہاں پر پاکستان سےزیادہ گراؤنڈزہیں۔

انہوں نے کہا ہے کہ نوجوانوں کیلئے سب سے پہلے گراؤنڈز بنائیں گے،سپورٹس سے انسان کومشکلات سے لڑنا آتا ہے جبکہ کھیلوں سے آپ مقابلہ کرنا سیکھتے ہیں اورہارتےتب ہیں جب آپ ہارنےکے بعددل برداشتہ ہوکر ہاتھ کھڑے کردیتےہیں،ہارنے سے دل برداشتہ نہیں ہوتے بلکہ ہار سے سیکھنا چاہیئے،زندگی کے21 سال انٹرنیشنل سپورٹس کی گراؤنڈزمیں گزارے ہیں۔

خیال رہے کہ ملکی تاریخ میں پہلی بار کامیاب جوان پروگرام اور ہائر ایجوکیشن کمیشن کے اشتراک سے نوجوانوں کو غیر نصابی اور کھیلوں کی سرگرمیوں میں مصروفِ عمل رکھنے کے لئے چار ارب روپے کے 4 نئے منصوبے شروع کئے گئے ہیں جس میں کامیاب جوان اسپورٹس ڈرائیو جیسا میگا پراجیکٹ بھی شامل ہے۔