کراچی کے شہریوں پربجلی بم گرادیا گیا

تفصیلات کے مطابق نیپرا کی جانب سے بجلی کی قیمت میں اضافے کا نوٹیفکیشن جاری کردیا گیا ۔ نوٹیفکیشن کے مطابق  فیول ایڈجسمنٹ کی مد میں بجلی کی قیمت 3روپے 75 پیسے فی یونٹ بڑھا دی گئی ہے۔

کے الیکٹرک کے مطابق بجلی کی قیمتوں میں اضافہ  ستمبرکے فیول چارجز ایڈجسٹمنٹ کی مد میں کیا گیا  ہے ۔

بجلی کی قیمتوں میں اضافہ ایک ماہ کےلیے کیا گیا ہے  جبکہ اس  اضافے کا اطلاق لائف لائن صارفین کےعلاوہ سب پرہوگا ۔ کے الیکٹرک کے مطابق  بجلی کی قیمتوں میں اضافے کا اطلاق رواں ماہ بلوں پرہوگا۔ 

نیپرا نے کے الیکٹرک کی جانب سے ستمبر کی فیول ایڈجسٹمنٹ کے لیے دائر درخواست پر نومبر میں سماعت کی تھی۔