سینئر وزیر عبدالعلیم خان کا استعفی منظور

تفصیلات کے مطابق وزیرِ خوراک و سینئر وزیرِ عبدالعلیم خان کا استعفی منظور کرلیا گیا،  قائم مقام گورنر پنجاب نے عبدالعلیم خان کا استعفے منظور کر لیا ۔ وزیر اعلی پنجاب کی منظوری کے بعد استعفی قائم مقام گورنر پنجاب کو بھیجا گیا تھا۔عبدالعلیم خان  کاوزیر خوراک کی حیثیت سے استعفی کا نوٹی فکیشن  جاری کردیا گیا۔

گزشتہ ماہ علیم خان نے وزیرِ اعلیٰ ہاؤس میں ملاقات کے دوران بطور وزیرِ خوراک و سینئر وزیرِ پنجاب اپنا استعفیٰ وزیرِ اعلیٰ پنجاب سردار عثمان بزدار کو پیش کیا تھا۔

اس سے قبل عبدالعلیم خان نے وزیر اعظم عمران خان کو وزارت سےاستعفے کی وجوہات سے متعلق تفصیل سے بتایا تھا۔ عبدالعلیم خان کا کہنا تھا کہ ٹی وی چینل کی ملکیت کے بعد سینئر وزیر پنجاب کے عہدے اور غیر جانبداری کو برقرار رکھنا مشکل ہو گا۔وزیر اعظم کا مشکور ہوں کہ انہوں نے میری گزارشات کو بغور سنا اور مستعفی ہونے کی اجازت دی۔