بھارتی فضائیہ نے جنرل بپن راوت  کی  ہیلی کاپٹر حادثے میں ہلاکت کی تصدیق کردی

غیر ملکی خبر رساں ادارے کے مطابق بھارتی فضائیہ نے جنرل بپن راوت  کی  ہیلی کاپٹر حادثے میں ہلاکت کی تصدیق کردی ہے۔

سماجی رابطے کی ویب سائٹ ٹوئٹر پر ایک ٹویٹ میں بھارتی ائیرفورس نے لکھا کہ ہیلی کاپٹر حادثے میں جنرل بپن راوت، ان کی اہلیہ اور گیارہ دیگر افراد ہلاک ہوئے ہیں۔

With deep regret, it has now been ascertained that Gen Bipin Rawat, Mrs Madhulika Rawat and 11 other persons on board have died in the unfortunate accident.

— Indian Air Force (@IAF_MCC) December 8, 2021

خیال رہے کہ  چیف آف ڈیفنس اسٹاف جنرل بپن راوت کا ملٹری ہیلی کاپٹر ریاست تامل ناڈو میں گر کر تباہ ہوا تھا۔ بھارتی خبرایجنسی کے مطابق ہیلی کاپٹر میں جنرل بپن راوت کا عملہ اور گھر کے کچھ افراد بھی سوار تھے ۔ 

بھارتی میڈیا کے مطابق  فوجی ہیلی کاپٹرنے کوئمبتور میں بھارتی  فوج کےفضائی اڈے سے ویلنگٹن کیلئے اڑان بھری تھی ۔ ریسکیو کیے جانےوالے کچھ  افراد  کو شدید چوٹیں آئی ہیں اور انہیں ضلع نیلگیر کے ویلنگٹن کنٹونمنٹ کے ہسپتال لے جایا گیا ہے۔

بھارتی فضائیہ کی جانب سے بھی اس حوالے سے سوشل میڈیا پر تصدیق کی گئی تھی کہ چیف آف ڈیفنس اسٹاف جنرل بپن راوت کا ایم آئی 17وی فائیو ہیلی کاپٹر گر کر تباہ ہو گیا ہے۔