شہباز شریف کا آصف زرداری کے بیان پر افسوس کا اظہار

سماجی رابطے کی ویب سائٹ ٹوئٹر پر شہباز شریف نے کہا ہے کہ زرداری صاحب کا نوازشریف کے بارے میں بیان افسوسناک ہے، ‏میاں صاحب کی پاکستان کے ساتھ غیرمتزلزل وابستگی ہمیشہ ناقابل تردید رہی۔

Zardari Sahib’s statement about Mian Nawaz Sharif is unfortunate. Mian Sahib’s unwavering commitment to Pakistan has always been unquestionable. Zardari sb. knows the conditions in which MNS had to go abroad. We should refrain from such remarks & work for greater good of country.

— Shehbaz Sharif (@CMShehbaz) December 9, 2021

رہنما مسلم لیگ ن کا کہنا تھا کہ ‏نوازشریف کو کن حالات میں بیرون ملک جانا پڑا آپ جانتے ہیں، ‏ہمیں ایسے ریمارکس سے گریز کرنا چاہیے، ‏سب کو مل کر ملک کی بہتری کے لیے کام کرنا چاہیے۔

یاد رہے کہ سابق صدر آصف زرداری نے کہا تھا کہ میاں صاحب ملک چھوڑ کر بھاگ گئے ہیں،شریف خاندان کبھی مشکلات کا سامنا نہیں کرتا بلکہ جب  یہ اقتدار میں نہیں ہوتے تو ملک سے فرار ہوجاتے ہیں۔

انہوں نے مزید کہا تھا کہ نواز شریف نے اقتدار میں آنے کے بعد حلقے چھوٹے کیے، ورنہ جب یہ بڑا حلقہ تھا یہاں سے بی بی بھی جیتی تھیں، ہم پھر اقتدار میں آکر حلقے بڑے کریں گے۔