خیرپور: دوسری شادی کی اجازت نہ دینے پرشوہر نے بیوی کو قتل کر دیا 

جی این این کے مطابق خیرپور کے رہائشی شوہر صدا حسين بڑدی نے 7 بچوں کی ماں گلشن خاتون  کو قتل کر دیا ، اطلاع ملنے  پر پولیس  جائے وقوعہ پر پہنچ گئی اور لاش کو ہسپتال منتقل کر دیا۔ 

پولیس کے مطابق ملزم نے بیوی کو اپنے بچوں کے سامنے گلا دبا کر قتل کیا ہے ۔ اس حوالے سے بچوں نے پولیس کو بتایا کہ  ابو نے امی گلشن خاتون سے دوسری شادی کی اجازت مانگی  تھی ، اجازت نہ دینے پر ابو نےامی کو قتل کردیا ۔

پولیس کاکہنا ہے کہ  ملزم کو جلد  گرفتار کر لیا جائے گا۔