موٹرویز استعمال کرنے والوں کیلئے ایم ٹیگ لازمی قرار

نیشنل ہائی ویز اینڈ موٹروے پولیس  سے جاری  بیان کے مطابق عدالتی حکم کے مطابق موٹرویز پر ایم ٹیگ کے بغیر داخلے پر پابندی عائد کی گئی ہے۔

آئی جی موٹرویز کا کہنا ہے کہ  ایم ٹیگ سے مسافروں کو سہولت اور وقت کی بچت ہو گی،  ایم ٹیگ کا اطلاق ان تمام موٹرویز پر ہو گا جو راوی ٹول پلازہ کو جوائن کررہی ہیں ۔ 

آئی جی موٹروے پولیس کاکہنا ہے کہ  ایم ٹیگ شناختی کارڈ اور موبائل نمبر پر جاری ہوسکتا ہے،  شاہراؤں پر محفوظ سفر اور ماحولیاتی آلودگی کم کرنے میں عوام تعاون کرے۔ 

خیال رہے کہ لاہور ہائیکورٹ نے سموگ کے تدارک سے متعلق کیس میں آٹھ صفحات پر مشتمل تحریری حکم نامہ جاری کیا  تھا ۔