لندن  ہائی کورٹ : امریکہ نے وکی لیکس کے بانی جولین اسانج کی حوالگی کی اپیل جیت لی

غیر ملکی خبررساں ادارے کے مطابق  امریکہ نے لندن  ہائی کورٹ میں وکی لیکس کے بانی جولین اسانج کی حوالگی کی اپیل جیت لی۔ وکی لیکس کے بانی جولین اسانج کو جاسوسی کے الزام میں امریکہ کے حوالے  کرنےسےمتعلق اپیل منظورکرلی گئی، برطانوی عدالت  نےفیصلہ سنادیا۔

جج کا کہنا ہے کہ اسانج کی حراست  پرامریکاکی طرف سے کرائی گئی یقین دہانی سے مطمئن ہیں۔

اس سال کے شروع میں ایک عدالت نے اسانج کو امریکہ کے حوالے کرنے کی امریکی درخواست کو یہ کہتے ہوئے مسترد کر دیا تھا کہ اسانج کی دماغی صحت امریکی عدالتی نظام کا مقابلہ کرنے کے لیے بہت نازک ہے۔

امریکی حکام نے برطانوی ججوں سے کہا ہے کہ اگر وہ اسانج کی حوالگی پر رضامند ہو جاتے ہیں تو وہ اپنے آبائی وطن آسٹریلیا میں کسی بھی امریکی جیل کی سزا کاٹ سکتے ہیں۔

امریکی استغاثہ نے اسانج پر جاسوسی کے 17 الزامات اور وکی لیکس کی طرف سے ہزاروں افشا ہونے والی فوجی اور سفارتی دستاویزات کی اشاعت پر کمپیوٹر کے غلط استعمال کے الزام میں فرد جرم عائد کی ہے۔

ان الزامات میں زیادہ سے زیادہ 175 سال قید کی سزا ہے، حالانکہ لیوس نے کہا، "اس جرم کے لیے اب تک کی سب سے طویل سزا 63 ماہ ہے۔"

تاہم، جمعہ کو سنائے گئے عدالتی فیصلے کے خلاف بھی اپیل کیے جانے کا امکان ہے۔