آرمی چیف کا چونڈہ کے قریب چونکی کا دورہ ، فوجی مشقوں کا مشاہدہ

پاک فوج کے شعبہ تعلقات عامہ (آئی ایس پی آر ) کی جانب سے جاری کردہ بیان کے مطابق آرمی چیف جنرل قمر جاوید باجوہ نے چونڈہ کے قریب چونکی کا دورہ کیا، آرمی چیف جنرل قمر جاوید باجوہ نے فوجی مشقوں  "وکٹری شیلڈ" کا مشاہدہ کیا ۔ آرمی چیف کو مشقوں کے مقاصد، پلاننگ پیرا میٹرز اور عمل کے طریقہ کار پر بریفنگ دی گئی۔

آئی ایس پی آر کا کہنا ہے کہ  مشقوں کا مقصد فارمیشن کی آپریشنل تیاریوں، اور کسی ایڈونچر جی صورت میں دفاع اور حملہ کے ٹاسک میں مہارت کا حصول ہے، آرمی چیف کو مشقوں میں دفاعی اور جارحانہ پہلوؤں پربھی بریفنگ دی گئی، آرمی چیف نے تربیتی معیار اورپیشہ ورانہ قابلیت پر اطمینان کا اظہار کیا، آرمی چیف نےمیدان میں حقیقت پسندانہ اورسخت تربیت پرزوردیا۔

آرمی چیف جنرل قمر جاوید باجوہ نے اس موقع پر کہا کہ مشقیں اعتمادوآہنگی بڑھانےاورجنگی صلاحیت بہتربنانےمیں مدد کرتی ہیں، میدان جنگ میں سخت اورحقیقی معنوں میں تربیت ضروری ہے،مشقوں سےجوانوں کی صلاحیتوں میں نکھاراورعزم بڑھتاہے، مشقیں جدیدرجحانات اورنظریات کےربط میں کرداراداکرتی ہیں۔

ترجمان پاک فوج کے مطابق  آرمی چیف کی آمدپرکورکمانڈرگوجرانوالہ لیفٹیننٹ جنرل محمدعامرنےاستقبال کیا۔