ادارہ شماریات نے مہنگائی کے ہفتہ وار اعداد و شمار جاری کر دیے

تفصیلات کے مطابق ادارہ شماریات کی رپورٹ میں کہا گیا ہے کہ  ہفتہ وار بنیادوں پرمہنگائی کی شرح میں اعشاریہ 07فیصد کمی ہوئی ہے، مہنگائی کی شرح ہفتہ وار بنیاد پر 18.58 فیصد ریکارڈ کی گئی، ایک ہفتے میں 19 اشیائے ضروریہ کی قیمتوں میں اضافہ ریکارڈکیاگیا۔

ادارہ شماریات کے مطابق ایک ہفتے کے دوران 9 اشیا کی قیمتوں میں کمی اور 23 میں استحکام دیکھا گیا، ایک ہفتے میں دال مسور کی قیمت میں 6 روپے اضافہ ریکارڈ ہوا ہے، دال ماش کی قیمت میں 7 روپے اور دال مونگ کی قیمت میں 3 روپے اضافہ ہوا، آگ جلانے کی لکڑی کی قیمت میں 4 روپے فی من اضافہ ہوا، پیاز، لہسن اور کھلے دودھ کی قیمت میں ایک روپے کا اضافہ ہوا، ٹماٹر کی قیمت میں 13 روپے فی کلو کمی آئی۔

 ادارہ شماریات کی جانب سے جاری کردہ اعداد وشمار کے مطابق زندہ مرغی کی قیمت میں 25 روپے کمی ریکارڈ ہوئی ہے، ایل پی جی کے گھریلو سلنڈر کی قیمت میں 71 روپے کی کمی آئی، 20کلوآٹے کے تھیلے کی قیمت میں 5 روپے کمی دیکھی گئی۔