Advertisement

امریکہ میں طاقتور طوفان نے تباہی مچادی

نیویارک : امریکہ کی پانچ ریاستوں  میں گزشتہ چند گھنٹوں کےدوران   19ہوائی بگولوں نے تباہی مچادی ۔

GNN Web Desk
شائع شدہ 5 سال قبل پر دسمبر 11 2021، 5:48 شام
ویب ڈیسک کے ذریعے
امریکہ میں طاقتور طوفان نے تباہی مچادی

امریکی میڈیا کے مطابق امریکی ریاست آرکنساس میں نرسنگ  ہوم ہوائی بگولے کی زد میں آگیا،  اب تک طوفان سے 2 افراد جان کی بازی ہار گئے جبکہ متعدد زخمی ہوئے ہیں ۔ 

امریکی میڈیا کاکہنا ہے کہ امریکی ریاست ٹینیسی میں ہوائی بگولوں نے متعدد عمارتوں کوبھی  نقصان پہنچایا ، ایلینوی میں ہوائی بگولے سے ایمازون کا گودام تباہ ہوگیا ۔  طوفان کے باعث ورکرز گودام میں پھنس گئے جہاں امدادی کارروائیاں جاری ہیں ۔

امریکی ریاست کینٹکی میں ہوائی بگولوں کے باعث جانی نقصان کا خدشہ  ہے  جبکہ مجموعی طور پر ملک بھر میں 55 ملین سے زیادہ افراد کو نقصان پہنچنے کا  خدشہ ظاہر کیا جارہا ہے ۔

علاوہ ازیں ہفتے کے اوائل سے چھ ریاستوں میں ایک لاکھ 57 ہزار صارفین  بجلی سے محروم رہے ہیں ۔ امریکی ماہر موسمیات جین نارمن نے  طوفان کے باعث  آدھے سے زیادہ ملک کے متاثر ہونے کی پیش گوئی کی ہے ۔

 

Advertisement
رجحانات
Advertisement