کلر کہار موٹروے پر سالٹ رینج  میں ٹریفک حادثہ ، 8 افراد زخمی 

جی این این کے مطابق  کلرکہار  موٹروے پر تیز رفتار کار، آگے جانے والی دوسری  کار سے ٹکرا گئی ، تیزرفتاری کی وجہ سے دونوں کاریں موٹروے سے نیچے اتر  گئیں،  ایک کار  درخت سے ٹکرا گئی جبکہ دوسری جالی سے باہر نکل گئی ۔  حادثے  کے نتیجے میں 2 بچوں ، دو خواتیں سمیت 8 افراد زخمی ہوگئے جس میں سے 2 کی حالت تشویش ناک ہے ۔ 

ریسکیو کے مطابق  تمام زخمیوں کو ٹراما سنٹر کلرکہار منتقل کیا گیا ہے جہاں ابتدائی طبی امداد کے بعد راوپنڈی ریفر کر دیا گیا ۔

زخمیوں میں ایمان فاطمہ، عطیہ،شہزاد، حریم ،اورحمید راولپنڈی کے رہائشی تھے  جبکہ سید شاہ کمال،ابوبکر ،اور حسن کا تعلق لاہور سے بتایا گیا ہے۔

ریسکیو کے مطابق حادثہ تیز رفتاری کے باعث پیش آیا ، ایک کار سرگودھا سے جبکہ دوسری کار لاہور سے راولپنڈی جا رہی تھی ۔