کرینہ کپور کا ممبئی میں واقع گھر سِیل کردیا گیا 

تفصیلات کے مطابق  بالی ووڈ اداکارہ کرینہ کپور  نئی مشکل میں پڑ گئیں ، اداکارہ کا کورونا  ٹیسٹ مثبت آنے پر ان کا  گھر سِیل کر دیا گیا ہے ۔  بھارتی میڈیا نے بتایا کہ بی ایم سی نے کرینہ کی رہائش گاہ کو مبینہ طور پر کورونا وائرس  کی  پابندیوں کی خلاف ورزی کرنے پر  سیل کیا ہے ۔ 

بھارتی میڈیا کے مطابق اداکارہ کرینہ کپور خان  کے ساتھ ان کی دوست  امریتا اروڑا کا کوویڈ 19 کا ٹیسٹ بھی  مثبت آیا جس کی  اطلاع  کرینہ کپور نے سوشل میڈیا کے ذریعے دی تھی ۔

بھارتی میڈیا کے مطابق کورونا ٹیسٹ مثبت آنے کے بعد دونوں  اداکاراؤں  نے خود  کو قرنطینہ  کر لیا ہے۔ 

رپورٹس کے مطابق حال ہی میں، کرینہ کپور نے 9 دسمبر کو اپنی قریبی دوستوں کے ساتھ پارٹی کی تھی، اس پارٹی میں ان کی بہن کرشمہ کپور،  ملائکہ اروڑا بھی ان کے ساتھ شامل ہوئیں ۔

بھارتی محکمہ صحت کے حکام نے کرینہ کپور اور امریتا اروڑہ کے رابطے میں آنے والے تمام لوگوں سے آر ٹی پی سی آر ٹیسٹ کرانے کی اپیل کی ہے۔ 

رپورٹس میں بتایا گیا ہے کہ کرینہ اور امریتا دونوں کرن جوہر کی پارٹی میں بھی گئی تھیں۔