وزیراعظم کو اعتماد کا ووٹ ، اپوزیشن نے حکمت عملی تشکیل دیدی

زرائع کے مطابق اپوزیشن جماعتوں کی جانب سے حکمت عملی طے پاگئی ہے  اور  یہ فیصلہ کیا گیا کہ اپوزیشن ہفتے کو بلائے گئے اسمبلی اجلاس میں بھرپور شرکت کرے گی،     اپوزیشن قومی اسمبلی اجلاس میں بھرپور احتجاج کرے گی،    مریم نواز اور بلاول زرداری کی ملاقات میں معاملہ پر تفصیلی مشاورت کی گئی ۔ زرائع کا کہنا ہے کہ اپوزیشن اراکین کو ہدایت کی گئی ہے کہ ہرصورت پارلیمنٹ ہاوس پہنچیں ، اجلاسمیں اپوزیشن لیڈرز نکتہ اعتراض پر بات کرنے کی کوشش کریں گے،سپیکر کی طرف سے اجازت نہ دئے جانے کی صورت میں بھی احتجاج کیا جائے گا، اسپیکر کے پروڈکشن آرڈر جاری نہ کئے جانے کا معاملہ بھرپور انداز میں اٹھایا جائے گا، سپیکر قومی اسمبلی اسد قیصر کے رویہ پر بھی احتجاج کیا جائے گا۔ زرائع کے مطابق اجلاس میں اپوزیشن پلے کارڈز لے کر آئے گی اور اپوزیشن کی طرف سے وزیراعظم عمران خان کو بھرپور تنقید کا نشانہ بنایا جائے گا،  اپوزیشن کی طرف سے اعتماد کی تحریک پر ووٹنگ کے وقت abstain کیا جائے گاجبکہ  ووٹنگ کے عمل میں حصہ نہیں لیا جائے گا۔

خیال رہے گزشتہ روز سینیٹ الیکشن میں جنرل نشست ہارنے کے بعد وزیراعظم نے قومی اسمبلی سے اعتماد کا ووٹ لینے کا فیصلہ کیا تھا۔ وزیراعظم عمران خان نے سینیٹ میں اپ سیٹ کے بعد اعتماد کا ووٹ لینے کا اعلان کیا تھا۔ انہوں نے کہا جس کو ان پر اعتماد نہیں سامنے آکر اظہار کرے۔اعتماد کا ووٹ لینے کا مقصد پیسے کی سیاست کو بے نقاب کرنا ہے۔ فیصلہ کیا ہے کہ اسی ایوان سے اعتماد کا ووٹ حاصل کروں گا۔ وزیراعظم نے اس سلسلے میں پارٹی کے سینئر رہنماؤں کا اہم اجلاس بھی طلب کیا ہے جس میں اعتماد کے ووٹ اور حفیظ شیخ کی شکست کے متعلق معاملات پر غور کیا جائے گا۔

 دوسری جانب اپوزیشن کا مطالبہ  ہے کہ  وزیراعظم قومی اسمبلی میں اکثریت کھو چکے ہیں  اور ان کے پاس اقتدار میں رہنے کا کوئی جواز نہیں۔ اپوزیشن جماعتوں کے اتحاد پاکستان ڈیموکریٹک موومنٹ نے وزیراعظم سے استعفے کا مطالبہ کررکھا ہے۔