بالکونی ٹوٹنے سے طلباء 4 منزلیں نیچے جا گرے،ویڈیو وائرل

تفصیلات کے مطابق لاطینی امریکہ کے ملک بولیویا کی مقامی یونیورسٹی میں افسوسناک حادثہ رونما ہوا جس کے بعد زخمیوں کو فوری طور پر ہسپتال منتقل کر دیا گیا جہاں ان کی حالت تشویشناک ہے۔

یونیورسٹی کیمپس کی بالائی منزل پر طلبا کی بڑی تعداد  موجود تھی کہ جگہ کی کمی اور دھکم پیل کے سبب بالکونی ٹوٹ گئی اور کنارے پر کھڑے طلبا 3 سے 4 منزلیں نیچے جا گرے جس کے نتیجے میں 7 موقع پر جان  کی بازی ہار گئے، جبکہ دو لڑکیاں گرنے سے بچ گئیں۔

لاطینی امریکا کے ملک بولیویا کی مقامی یونیورسٹی میں ہونے والے حادثے میں 7 طلبا ہلاک اور 5 شدید زخمی ہو گئے۔ pic.twitter.com/6xHifaiyQz

— Malik Sultan Awan???? (@maliksultan095) March 5, 2021

وزیر صحت جیسن اوزا کا کہنا تھا کہ حادثے کے نتیجے میں 7 طلبا ہلاک اور 5 زخمی ہوئے جن کی حالت تشویشناک ہے۔ حکام کے مطابق مرنے والوں کی عمریں 20 سے 24 سال کے درمیان ہیں۔

یونیورسٹی انتظامیہ نے موقف اختیار کیا کہ واقعے سے پہلے اسٹوڈنٹس کے دوگروپوں میں جھگڑا ہو رہا تھا جبکہ  واقعے کی تحقیقات کا آغاز ہو چکا ہے۔