وفاقی حکومت بارش متاثرین کیلئے امدادی کارروائیاں شروع کرے : بلاول بھٹو 

تفصیلات کے مطابق چیئرمین پاکستان پیپلز پارٹی بلاول بھٹو زرداری نے بلوچستان میں حالیہ بارشوں سے ہونے والی نقصان پر افسوس کا اظہار کرتے ہوئے کہا کہ  بلوچستان میں حالیہ بارش عوام کے لئے پریشانی کا باعث بن گئی ہے، کوئٹہ، گوادر، کوہلو، سبی، ژوب، تربت، چمن اور زیارت میں عوام کو نقصان اُٹھانا پڑا ہے۔ 

چیئرمین پاکستان پیپلز پارٹی نے حکومت پر تنقید کرتے ہوئے کہا کہ  نیازی حکومت نے عوام کو لاوارث چھوڑ دیا، حکومتی ادارے و افسران ملک کے پسماندہ صوبے کی مدد کے لیئے ذمہ داری نبھائیں۔ ان کا مزید کہنا ہےکہ پی پی پی بارش متاثرین کے ساتھ ہے، کارکنان امدادی کاموں میں بڑھ چڑھ کر حصہ لیں۔

واضح رہے کہ بلوچستان کے ساحلی ضلع گوادر اور اس سے متصل ضلع کیچ میں بارشوں سے بڑی تعداد میں گھروں کے علاوہ املاک کو نقصان پہنچا ہے تاہم کوئی جانی نقصان نہیں ہوا ہے۔