پی ایس ایل 6 ملتوی ، پی سی بی کا تحقیقات کیلئےآزاد انکوئری کمیشن بنانے کا فیصلہ

تفصیلات کے مطابق پی ایس ایل 6 کے ملتوی ہونے کا معاملہ، پاکستان کرکٹ بورڈ نے تحقیقات کے لیے آزادی انکوئری کمیشن بنانے کا فیصلہ  کرلیا۔آزاد انکوائری کمیشن تحقیقات مکمل کرکے ایک ماہ کے اندر رپورٹ جمع کروائے گا۔انکوائری کمیشن کو پی ایس ایل میں کورونا وائرس داخل ہونے کی وجوہات سامنے لانے کا ٹاسک دیا جائے گا۔

جی این این کے مطابق انکوائری کمیشن کے لیے نام پی سی بی گورننگ بورڈ کو بھجوا دیے گئے، کمیشن کی سفارشات کی روشنی میں ذمہ داروں کے خلاف کارروائی کی جائے گی۔آزاد انکوائری کمیشن کا اعلان پیر کو متوقع ہے۔کمیشن میں میڈیکل ایکسپرٹ اور کرکٹرز کو شامل کیا جائے گا۔

واضح رہے کہ  پی سی بی میڈیکل پینل کے سربراہ ڈاکٹر سہیل سلیم پہلے ہی اپنا استعفی بھجوا چکے ہیں۔