سیاحوں کیلئے مری اورگلیات جانے کیلئے  پابندی میں مزید 24 گھنٹے اضافہ

تفصیلات کے مطابق   وزیر داخلہ شیخ ‏رشید احمد‎ ‎کا کہنا ہے کہ سیاحوں کیلئے اسلام آباد کے راستے مری اورگلیات جانے کےلیے پابندی مزید 24 گھنٹے برقراررہے گی، مری اور ملحقہ علاقے کے رہائشیوں کو صرف شناختی کارڈز دکھا کر گزرنے کی اجازت دی جائے گی۔

شیخ رشید ‏احمد‎ ‎نے مزید کہا کہ  مری اور گلیات کی صورت حال کا مسلسل جائزہ لے رہے ہیں، سیاحوں کے لیے مری اور گلیات جانے کی اجازت دینے کا فیصلہ صورت حال دیکھ کرلیا جائیگا۔

دوسری جانب  پنجاب حکومت   کوسانحہ مری  کی ابتدائی تحقیقاتی رپور ٹ پیش کردی گئی ہے، رپورٹ کے مطابق مری  اور گرد ونواح میں سڑکوں کی    دو سالوں  سے  مرمت نہیں کی گئی، خارجی راستے سے برف  ہٹانے کیلئے ہائی وے کی مشینری موجود نہ تھی۔

رپورٹ میں کہا گیا ہے کہ   بجلی نہ ہونے کےباعث سیاحوں نے ہوٹلوں کو چھوڑ  گاڑیوں میں بیٹھنے کو ترجیح دی، مری میں ایسا کوئی پارکنگ پلازہ موجود نہیں جہاں گاڑیاں پارک کی جا سکتیں، 7 جنوری کو 16 گھنٹے میں چار فٹ برف پڑی، 3 جنوری سے 7 جنوری تک 1 لاکھ 62 ہزار گاڑی مری داخل ہوئیں ،  16 مقامات پر درخت گرنے سے ٹریفک بلاک ہوئی ،  21 ہزار گاڑیاں واپس بھجوائی گئیں ۔

 رپور ٹ کے مطابق  4 سے 5 گاڑیوں میں 22 افراد جاں بحق ہوئے،  کاربن مونو آکسائیڈ کی زیادتی سے  لوگ جاں بحق ہوئے۔

وزیراعلیٰ پنجاب عثمان بزدار  نے  ٹریفک لوڈ مینجمنٹ نہ کرنے پر برہمی کا اظہا ر کیا، اس کے علاوہ  وزیراعلیٰ نے   اوور چار جنگ پر بھی برہمی کا اظہارکرتے ہوئے  کارروائی کی  ہدایت کی۔