فارن فنڈنگ کیس :  ’ ہمیں سکروٹنی کمیٹی نے کلیئرکردیا ہے ‘

تفصیلات کے مطابق  وزیراعظم کی زیرصدارت ترجمانوں کا اجلاس ختم ہوگیا،وزیر اعظم عمران خان نے کہا ہے کہ  فارن فنڈنگ کیس میں الیکشن کمیشن کوتمام رسیدیں فراہم کرچکےہیں، ہمیں سکروٹنی کمیٹی نے کلیئرکردیا ہے، باقی سیاسی پارٹیاں بھی اپنی فنڈنگ کی رسیدیں دیں، ‎31 ‎کروڑفنڈنگ میں سے 15 کروڑکی رقم دودفعہ ظاہرکی گئی، اگلی سماعت میں کلیئرکردیں گے۔

وزیراعظم نے کہا کہ  مسلم لیگ ن عارف نقوی سے فنڈنگ سےمتعلق جواب دے، شہبازشریف کوشرم نہیں آتی کہ انہوں نے اتنی ٹی ٹیزلگائیں، شہبازشریف اپنی ٹی ٹیزکا بتائیں، نون لیگ اربوں روپے کی بیرونی فنڈنگ کا حساب دے، دیگرپارٹیوں سے بیرونی فنڈنگ پرسوال پوچھے جانے چاہییں۔

اجلاس میں سانحہ مری پرافسوس کا اظہارکیا گیا، وزیر اعظم عمران خان نے کہا کہ  حکومت سیاحت پربھرپورکام کررہی ہے، خیبرپختونخواہ میں 12 سیاحتی مقام بنائے، سانحہ مری کی تحقیقات کےلیے کمیٹی تشکیل دے دی گئی ہے،انتظامیہ، پولیس اوردیگراداروں نے مل کرسیاحوں کےمحفوظ انخلا یقینی بنایا، ‎پہلی حکومت ہے جوسیاحت کومحفوظ بنانے کےلیے اقدامات کررہی ہے، سیاحتی مقامات پراقدامات بہترکرنے کی ضرورت ہے۔