شہباز شریف کا سانحہ مری پر جوڈیشل کمیشن بنانے کا مطالبہ

تفصیلات کے مطابق کے قومی اسمبلی کے اجلاس سے خطاب کرتے ہوئے اپوزیشن لیڈر شریف کا کہنا تھا کہ جوڈیشل کمیشن بنا کر ذمہ داران کو سامنے لا یا جائے۔

شہباز شریف کا کہنا تھا کہ محکمہ موسمیات نے شدید برف باری کی وارننگ دی، حکومت نے کیا انتظامات کیے؟ سیاحوں کو مری جانے سے روکنے کیلئے کیا انتظامات کیے گئے؟ کیا حکومت نے برف باری کا ریڈ الرٹ جاری کیا؟

ان کا کہنا تھا کہ حقائق سے چہرہ نہیں چھپا سکتے، مری میں پہلی بار برف نہیں پڑی نہ پہلی بار سیاح مری گئے، کورونا کے بعد سیاحوں نے دو سال بعد مری کا رخ کیا، بد ترین نااہلی اور بد انتظامی سے خوشی کا موقع غم میں بدل گیا، پورا ملک اشک بار ہے لیکن ان کے کانوں پر جوں تک نہیں رینگ رہی۔