پاکستان نے ایک اورسنگ میل عبور کرلیا 

تفصیلات کے مطابق سماجی رابطے کی ویب سائٹ ٹوئٹر پر جاری پیغام میں وفاقی وزیر برائے منصوبہ بندی اور این سی او سی کے سربراہ اسد عمرنے اپنے پیغام میں کہا کہ گزشتہ روز ویکسین لگانے کا ایک اور سنگ میل عبور کرلیا  ہے ۔  ملک میں 10 کروڑ  سے زائد  افراد کو ویکسین کی کم از کم ایک خوراک لگواچکے ہیں ۔

ان کا کہنا تھا کہ  تقریبا ساڑھے سات کروڑ افراد کی مکمل ویکسی نیشن ہوچکی ہے۔

وفاقی وزیر نے مزید کہا کہ ابھی کام مکمل نہیں ہوا ہے، ہمیں ویکسین لگانے کی رفتار برقرار رکھنے کی ضرورت ہے۔

Achieved another major milestone in the vaccination campaign yesterday, crossing 100 million people who have recieved atleast one dose. Of these nearly 75 million are fully vaccinated. Work not complete yet. Need to keep the momentum going

— Asad Umar (@Asad_Umar) January 11, 2022

واضح رہے کہ ملک میں کورونا کی پانچویں لہر کا آغاز ہے اور ایک بار پھر سے یومیہ کیسز میں اضافہ دیکھنے میں آرہا ہے ۔ نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  پاکستان  میں گزشتہ 24 گھنٹوں کے دوران 2 مریض انتقال کرگئے جس کے بعد اموات کی مجموعی تعداد 28ہزار 974 ہوگئی ہے ۔

ملک میں کورونا کیسز کی مجموعی تعداد 13 لاکھ 7ہزار 174 ہوگئی ہے ۔  ملک میں   گزشتہ 24 گھنٹوں کے دوران کورونا کے مثبت کیسز کی  شرح3.33 فیصدر رہی ۔ 

این سی اوسی  کے مطابق ملک بھر میں  چوبیس گھنٹے کے دوران  43 ہزار540 ٹیسٹ کئےگئے ہیں ۔ پاکستان میں کوروناکے615مریضوں کی حالت تشویشناک ہے ۔

خیال رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا۔