سی ڈی اے اور ضلعی انتظامیہ نے مونال ریسٹورنٹ سیل کردیا

تفصیلات کے مطابق  کیپیٹل ڈویلپمنٹ اتھارٹی (سی ڈی اے)  اور ضلعی انتظامیہ نے مونال ریسٹورنٹ سیل کردیا ہے، مونال کو اسلام آباد ہائیکورٹ کے حکم پر سیل کیا گیا،  ڈائریکٹر ڈی ایم اے کیپٹن ریٹائرڈ اصغر اور اے سی سٹی رانا موسی موقع پر موجود تھے۔

اسلام آباد ہائی کورٹ کے حکم پر اسسٹنٹ کمشنر نے مونال ریسٹورنٹ سیل  کیا،  چیف جسٹس اطہر من اللہ نے مونال کی لیز ختم ہونے پر اسے سیل کرنے کا حکم دیا تھا۔

 مارگلہ ہلز نیشنل پارک میں غیرقانونی تعمیرات اورتجاوزات کے خلاف کیس کی سماعت کے دوران ریمارکس دئیے کہ مارگلہ ہلز نیشنل پارک ایریا میں کوئی سرگرمی نہیں ہوسکتی، یہ وفاقی حکومت کی زمین ہے جہاں سے کسی کو گھاس تک کاٹنے کی اجازت نہیں۔

اسلام آباد ہائی کورٹ نے سی ڈی اے کو نیوی گالف کورس کا قبضہ لینے  کی ہدایت کردی، سیکریٹری دفاع کو تجاوزات کرنے والوں کے خلاف کارروائی کا حکم بھی دےد یا۔